प्रदेश २ सभाको आजको बैठकमा सहभागी हुने महन्थ पक्षको निर्णय

प्रदेश सरकारले वार्षिक नीति तथा कार्यक्रम प्रस्तुत गर्ने सदनको बैठकमा जसपा महन्थ ठाकुर पक्षका सांसदहरू पनि उपस्थित हुने भएका छन् ।

आफूपक्षीय मन्त्रीहरूलाई मुख्यमन्त्री लालबाबु राउतले बर्खास्त गरेपछि रुष्ट बनेका ठाकुर पक्षका सांसद पछिल्ला तीन बैठकमा सहभागी भएका थिएनन् ।

प्रदेश प्रमुख डा। राजेश अहिराज आज प्रदेशसभा बैठकमा आगामी वर्षको नीति तथा कार्यक्रम प्रस्तुत गर्नेछन् । उक्त बैठकमा सहभागी हुने निर्णय भएको महन्थ ठाकुर पक्षका सांसद तथा बर्खास्त भएका राज्यमन्त्री सुरेश मण्डलले जानकारी दिए ।

उनले भने, ‘आज उपस्थित भएपनि हाम्रो केही भूमिका नै हुँदैन । अगामी बैठकमा विरोध गर्नेरनगर्ने विषयमा पछि निर्णय लिन्छौं ।’

प्रदेश २ सभामा तत्कालीन राजपाका २५ सांसद थिए । जसमध्ये दुई मन्त्रीसहित ६ सांसद उपेन्द्र यादव पक्षमा लागेका छन् । अहिले सभामुखसहित महन्थ ठाकुर पक्षमा १९ सांसद रहेका छन् ।

 

तपाईको प्रतिक्रिया

सम्बन्धित समाचार