प्रदेश १ सरकारले कोरोनाविरुद्धको खोप खरिद गर्न अनुमति माग्यो

प्रदेश १ सरकारले कोरोनाविरुद्धको खोप खरिद गर्नका लागि अनुमति दिन संघीय सरकारसँग माग गरेको छ । प्रदेश १ की सामाजिक विकास मन्त्री उषाकला राईले खोप खरिदका लागि अनुमति दिन संघीय सरकारलाई आग्रह गरेकी हुन् ।

स्वास्थ्य तथा जनसंख्या मन्त्रालयले गरेको भर्चुअल बैठकमा मन्त्री राईले कोरोनाविरुद्धको खोप खरिदका लागि अनुमति दिए तत्काल प्रक्रिया अघि बढाउने बताइन् । ‘केन्द्रले प्रबन्ध गर्न नसक्ने भए प्रदेशलाई खरिदको अनुमति दिनुहोस्,’ उनले भनिन् ।

कोरोनाको तेस्रो लहर शुरु हुने विज्ञहरुले बताइरहेकाले चाँडो खोप लगाउनुपर्ने उनले बताइन् । प्रदेश १ का दुर्गम स्थानमा कोरोना संक्रमण फैलिंदै गएकाले यसको नियन्त्रणमा प्रदेश सरकार लागेको भन्दै उनले खोप नहुँदा काम गर्न ढिलो भएको बताइन् ।

उनले प्रदेश १ का सबै जिल्ला अस्पताललाई व्यवस्थित बनाउने पनि बताइन् । ‘प्रत्येक जिल्ला अस्पतालहरुलाई सुविधा सम्पन्न बनाउने गरी अघि बढेका छौं,’ उनले भनिन् ।

 

तपाईको प्रतिक्रिया

सम्बन्धित समाचार