नेपालले जित्यो त्रिदेशीय टी–ट्वेन्टी क्रिकेट सिरिजको उपाधि

नेपालले त्रिदेशीय टी–२० सिरिजको उपाधि जितेको छ । शनिबार त्रिवि खेल मैदानमा भएको प्रतिस्पर्धामा नेरदल्याण्ड्समाथि १४३ रनको शानदार जितसँगै उपाधि जित्न सफल भएको हो ।

नेपालले दिएको २३९ रनको लक्ष्य पछ्याएको नेदरल्याण्डसलेले सबै विकेट गुमाएर ९६ रन मात्र बनाउन सफल भएको थियो । टस हारेर ब्याटिङ गरेको नेपालले दुई कुशलको सानदार ब्याटिङले विजयको बाटो देखाएको थियो । कुशल भुर्तेल र कुशल मल्लले खेलमा सानदार प्रस्तुती दिलाएका थिए ।

ट्वान्टी–२० अन्तर्राष्ट्रियमा नेपालको अहिलेसम्मकै यो उच्च स्कोर हो । यसअघि नेपालले सन् २०१९ मा १३औं सागमा भुटानविरुद्ध २३६ रन बनाएको थियो । नेदरल्यान्ड्सविरुद्धको यो जित नेपालको सर्वाधिक रनको जित हो । यसअघि नेपालले भुटानविरुद्ध १ सय ४१ रनको जित निकालेको थियो । यससँगै नेपालले पहिलो पटक टी–ट्वान्टी प्रतियोगिताको उपाधि जितेको छ । यस्तै नेपालले ११ वर्षपछि घरेलु मैदानमा उपाधि जितेको छ ।

नेपालका लागि ओपनर कुशल भुर्तेलले सर्वाधिक ७७ रन बनाउन सफल भएका थिए । ५५ बलको सामना गरेका उनले आठ चौका र तीन छक्का प्रहार गरे । कुशल मल्लले अविजित ५० रन बनाउँदा उपकप्तान दीपेन्द्र सिंह ऐरी ४८ रनमा नटआउट रहे ।

कुशल र दीपेन्द्रले चौथो विकेटका लागि अविजित ७७ रनको साझेदारी गरे । २० बलमा ५० बल बनाएका कुलशको टी–२० अन्तर्राष्ट्रियमा यो पहिलो अर्धशक हो । १८ बलमा ४८ रन बनाएका दीपेन्द्र भने अर्धशतक बनाउन दुई रनले चुके । कप्तान ज्ञानेन्द्र मल्लले १९ बलमा ३३ र आसिफ शेखले ८ बलमा १६ रन जोड्न सफल भए ।

तपाईको प्रतिक्रिया

सम्बन्धित समाचार